Samskipti Íslands við umheiminn eru komin í ógöngur vegna Samningsins um Evrópska efnahagssvæðið sem hefur fært Evrópusambandinu völd um þau. ESB lætur Ísland setja refsingar á lönd sem við eigum ekkert sökótt við en valda viðskiptahindrunum við góða markaði. Óraunsæ baráttumál ESB eru gerð að baráttumálum Íslands án þess að nokkur rök liggi til. Viðskipti við umheiminn utan ESB eru háð vaxandi hömlum og kvöðum ESB. Utanríkisþjónusta Íslands þjónar í auknum mæli stefnumálum ESB.
Dýrir og óþarfir fundir eru haldnir, síðast í Egyptalandi, þar sem okkar fulltrúar gengu með ESB í gildru lofslagsskrumaranna. ESB ætlar nú að hafa frumkvæði að sjóði til að borga fyrir skemmdir vegna loftslagsbreytinga í þróunarlöndum! Og okkar ráðherrar ætla að láta Ísland vera með. Að greina áhrif manna frá veðrabrigðum er ógerlegt, sjóðurinn verður því en eitt bruðlið til að maka krók loftslagssvindlaranna. Loftslagsskrumið er farið að kosta lönd ESB efnahaginn og íbúana heilsuna í köldum vistarverum og atvinnuleysi vegna óhagkvæmrar „grænnar“ starfsemi. Bandaríkin eru nú staðin að því að spilla efnahag ESB með refsiaðgerðum gegn hagkvæmustu birgjum ESB og hækkun innflutningsgjalda til Bandaríkjanna.
Ísland á engan þátt í þurrkum og flóðum i Vestur-Asíu eða Afríku frekar en aðrir sem nota eldsneyti. ESB og Bretar eru búnir að gefast upp á að banna jarðefnaeldsneyti og setja nú í gang hvert kola- og gasorkuverið á fætur öðru. Vitfirringin um „kolefnishlutleysi“ er því fallin um sjálfa sig. Ísland þarf að draga sig út úr samflotinu með ESB i “loftslagsmálum“ sem okkar ráðamenn álpuðust í fyrir 8 árum að óþörfu. Ísland notar meira af reyklausri orku en önnur lönd, mikil skógrækt er stunduð hér og við getum staðið sjálf að okkar „loftslagsmálum“.
ESB og NATO létu Ísland setja refsiaðgerðir á Rússland fyrst vegna innlimunar Krímverja á Krím sem ESB og NATO ætluðu sjálf að innlima. Okkar utanríkisráðherra fór á fund leppstjórnarinnar í Kænugarði sem er fasistísk einræðisstjón sem hefur bananað aðra stjórnmálaflokka og heft málfrelsi og trúfrelsi. Eftir ferðina gaf hún yfirlýsingar sem geta komið Íslandi illa og eru ekki í samræmi við agaða utanríkisstefnu: -„Málstaður Úkraínu gagnvart grimmilegu og ólöglegu landvinningastríði Rússlands algjörlega réttmætur og málatilbúnaður Rússlands fullkomlega ranglátur“. (Þórdís Kolbrún Gylfadóttir í Mbl 11.12.22)
Þekkingarskortur á málavöxtum í öðrum löndum er hættulegur þjóðaröryggi Islands. NATO-lönd hófu Úkraínustríðið í nóvember 2013 með blóðugu valdaráni og komu á leppstjórn með stuðningi fasistahreyfinga Úkraínu, leppstjórnirnar hafa síðan stundað grimmilegt og óhugnanlegt stríð á vegum NATO gegn rússneskum almenningi í Austur-Úkraínu. Angela Merkel hefur vottað að NATO-lönd og Úkraínustjórn ætluðu aldrei að efna friðarsamningana (Minsk-samningana) sem gerðir voru við Rússland, þeir voru aðeins gerðir til þess að fá tíma til að vopnavæða Úkraínu fyrir hernaðinn gegn Rússlandi sem NATO hefur haft lengi í undirbúningi. Rússlandsstjórn var því nauðugur einn kostur að senda herinn til að verja borgara rússnesku héraðanna og stugga drápsmönnunm burt. Landvinningar og sundurlimun á svæðum Rússa er yfirlýst stefna NATO-landa, Úkraínustríðið er landvinningastríð NATO og ESB.
Óábyrgu fulltrúar okkar á vettvandi samskipta við útlönd þura að fá menntun í sögu samskiptin Íslands við umheiminn. Okkar utanríkissamskipti hafa framan af byggst á friðsemd og virðingu fyrir öðrum. Samskiptin við Rússland, eitt mikilvægasta vinaland Íslands, er komin í uppnám vegna undirlægju við NATO og ESB. Okkar utanríkisráðherra gerir okkur ekki gagn með blómaskoðun í Kænugarði, hún þarf að fá fund í Moskvu þar sem hún gæti gert okkur gagn til framtíðar. All flest lönd, nema NATO, vilja friðarsamninga um Úkraínu eða styðja Rússa í baráttu gegn hernaðarafskiptum NATO og ESB. Það kemur óorði á friðarins Ísland að vera viðrið heimsvaldabrölt og hernað á vegum NATO og fasista.
Fólksflutningarnir til Íslands eru löngu kominn úr böndum vegna EES-reglna og Schengensamningsins. Innflutningur hælisleitenda er orðin hættulegur innanlandsfriðnum og í andstöðu við mannúðarsjónarmið um að koma flóttafólkinu fyrir sem næst sínum heimkynum en ekki í órafjarlægð í samfélögum sem það getur illa aðlagast. Nágrannalönd Íslands hafa reynslu sem við getum lært af. Afskipti spilltra stofnana Sameinuðu þjóðanna bæta gráu ofan á svart við skaðleg afskipti ESB.
Viðskipti við umheiminn utan ESB eru sífellt erfiðari vegna kvaða ESB. Viðskipti og samskipti margs konar við sum mikilvægustu viðkipatalöndin sögulega, sem eru ekki í ESB, eru háð ýmsum hömlum ESB vegna EES. Rússland og Bretland eru komin í hóp landa sem hömlur ESB spilla viðskiptum við.
Með reynslu af stríðsbrölti okkar „bandamanna“, NATO og ESB, og spilltum Sameinuðuþjóðastofnunum, þurfa íslensk stjórnvöld að taka sig á og standa fast á sjálfstæði og friðarstefnu Íslands í samskiptum við önnur lönd.
https://www.frjalstland.is/2022/07/31/vesturlond-glata-forustuhlutverkinu/