Hlýnun loftslags af mannavöldum er orðin eins konar stórisannleikur eins og trúarkreddur fyrri tíma. Stór hluti EES-tilskipananna er sagður til þess að draga úr hlýnun loftslags. Orðaforðinn er fjölbreyttur: Losun, kolefnisspor, kolefnishlutleysi, grænt, umhverfisvænt, sjálfbært. Þegar skyggnst er á bak við orðagjálfrið kemur í ljós að tilskipanirnar eru aðallega til þess að setja hömlur á notkun eldsneytis. Áhrifin á loftslag verða hverfandi lítil en skara auð og völd að „grænum“ auðmönnum og valdabáknum. Þegar vönduð vísindi komast að kemur í ljós að umhverfisöflin stjórna loftslaginu, ekki maðurinn. Loftslagsbreytingar á Íslandi. Hitastig.
Veik vísindi: Mataræði, ræktun og búskapur er einnig orðin skotspónn tilskipanavaldsins um loftslag, byggt á veikum vísindum. Haugloft, kælimiðlar og fleiri gastegundir eru talin með „gróðurhúsalofttegundum“.
„Mesta vá mankyns“. ESB heldur á lofti fullyrðingum um að mesta vá mannkyns sé loftslagshlýnun af mannavöldum. Spáð hefur verið mikilli hlýnun reglulega í þrjá áratugi. Engin spánna hefur ræst. Þegar kuldaköst hafa komið breytist orðnotkunin úr „hlýnun“ í „loftslagsbreytingar“.
Vönduð vísindi sýna að loftslag breytist stöðugt og hefur kólnað síðustu 8000 árin. Á síðustu 1000 árum var hlýjast snemma á 12. öld, á síðustu 100 árum var hlýjast um 1940.
Engin hlýnun á 21. öld. Loftslag á Norðurhveli hlýnaði 1980-2000 eftir kólnunina 1965-1979. Stofnanirnar sem spáðu hlýnun tóku upp „líkön“ um hlýnun eftir að hún hætti og „aðlöguðu“ hitamælingarnar að þeim. Margar stofnanir eru háðar framlagi ríkis og ef váin hverfur hverfur líka fjármagnið til þeirra. Þetta eru ástæður þess að fullyrðingar um hlýnun eru óáreiðanlegar. https://www.frjalstland.is/loftslagsvisindi-hrjad-af-folsunum/
Loftslagsaðgerðir ESB, sem Ísland er undirselt með EES, eru yfirleitt dýrar og umhverfisspillandi. Vindmyllur og sólarpanelar eru óörugg og umhverfisspillandi „Orkuskipti“ úr eldsneyti í rafhlöður er eyðsla á auðlindum Jarðar og óhagkvæm (50-sinnum meiri orka á kg er í eldsneyti en fullhlöðnum rafhlöðum). https://www.frjalstland.is/2020/12/10/graena-glyjan/
Loftslagsbreytingar stjórnast af breytingum í geislun frá Sólu, fjarlægð og afstöðu Jarðar til hennar, geimgeislum, geimefni, eldgosum auk margra annarra þátta sem reynst hefur erfitt að rekja áhrifin frá.