Síðasta ár, 2024, var kaldasta ár á Íslandi síðan 1998 samkvæmt Trausta Jónssyni veðurfræðingi. En frá Sameinuðu þjóðunum, Bandaríkjunum, Evrópusambandinu, Bretlandi og víðar að koma yfirlýsingar um að árið 2024 hafi verið það hlýjasta frá upphafi mælinga. Við könnumst við yfirlýsingarnar, við höfum heyrt þær endurteknar árlega í meir en 30 ár. Spurningin vaknar, er Ísland ekki á Jörðinni?
Á þessari vefsíðu er gerð grein fyrir hitafari samkvæmst áreiðanlegustu mælingum (Stórhöfði) sem til eru á Íslandi fram til 2020 https://www.frjalstland.is/wp-content/uploads/2021/07/climate-history-of-Iceland.pdf. Þar sést að ekki hefur orðin nein viðvarandi hlýnun hér við Atlantshafið frá 1940 samkvæmt bestu mælingum sem fyrir liggja. En ágæt hlýindi sjást uppúr 2000. Sömu sögu er að segja frá Bandaríkjunum.
Hitamælingar í Bandaríkjunum 1895-2018. Bláa ritið sýnir mæligildi, rauða sýnir „aðlöguð gildi“ að kenningunni um hlýnun sem er í raun fölsun á vísindalegum mælingum(sjá línurit US Historical Climatology Network).
Í Bandaríkjunum þar sem fyrir liggja áreiðanlegar mælingar langt aftur í tímann sjást samskonar hitasveiflur og hér, heitustu árin voru á 4. áratug 20. aldar og ágæt ár í byrjun þessa arþúsunds.
US Climate Reference Network (data updated 10-15th of month)
NOAA safnar gögnum um hitafar vestra en hefur haldið frumgögnunum frá almenningi en birtir aðeins „aðlagaðar“ mælingar sem passa við kenninguna um loftslagshlýnun.
Fréttirnar um stöðuga hlýnun ár eftir ár byggja að mestu á vanköntuðum mælingum. Stórborgir og flugvellir hafa farið hlýnandi vegna hita frá mannsathöfnum og mikið af mælingunum eru þaðan. Bretar gáfu til dæmis í janúar 2023 út yfirlýsingu um „heitasta árið 2022“. Mælingarnar voru gerðar við einn stærsta herflugvöll landsins, Coningsby, þar sem þrýstiloftshreyflar gefa frá sér mikið heitt loft sem getur legið lengi yfir og haft áhrif á mælana. https://www.bbc.com/news/uk-64173485
Stórar stofnanir sem kenna sig við vísindi hafa sent fra sér falsfrétir um loftslag í vel á 4. áratug. Þekktastar þeirra eru IPCC, WMO og UNEP Sameinuðuþjóðanna, NOAA og NASA-Goddard Bandaríkjanna, Copernicus Evrópusambandsins og fleiri stofnanir þar, breskar stofnanir, MetOffice, CRU ofl.
Lesendur þurfa að varast fréttir um hlýnun loftslags frá þessum aðilum. Loftslagsvísindi eru hrjáð af ónákvæmni og hreinum fölsunum og stjórnvöld sem hafa ánetjast taka ekki lengur tillit til vísinda. Loftslagsmál eru þegar fastákveðin og „útrædd“ og orðin verksvið framkvæmdavaldsins hér hjá okkur og víðar. Af þeim sökum stefnir í fátækt, hungur og óeirðir af völdum “aðgerða í loftslagsmálum” víða um heim.