Af hverju fórna Bandaríkin Úkraínumönnum til þes að veikja Rússland? Hernaður Bandaríkjanna (með þátttöku NATO/ESB/EES) í Úkraínu og Rússlandi hefur verið lengi í undirbúningi. Hann er afleiðing aldarlangra tilefnislausra stríðsæsinga gegn Rússlandi sem reknar eru áfram af fjármagnseigendum, stórfyrirtækjum og bönkum í Bandaríkjunum og Vestur-Evrópu.
Eftir upplausn Ráðstjórnaríkjanna héldu margir að kaldastríðsstefna Trumans og Churchills væri ekki lengur við lýði. Annað kom í ljós, Bandaríkin og NATO-lönd hafa haldið áfram undirróðri og fjandsemi og fært landamæri NATO nær Rússlandi og tekið Austur-Evrópu undir sína herstjórn þrátt fyrir loforð um hið gagnstæða. Þegar svo löglega kjörin stjórn Úkraínu hafnaði aðild að bæði NATO og ESB framkvæmdu Bandaríkin valdarán og komu til valda leppstjórn sem strax hóf hernað gegn rússneskum íbúum Úkraínu til þess að egna Rússland í stríð. Og eins og áætlanir gerðu ráð fyrir var það upphafið að núverandi Úkraínustríði.
Undirbúningur Úkraínustríðsins hefur staðið lengi. Hugmyndafræðin og „aðgerðaþörfin“ kemur fram í skýrslu frá Rand Corporation sem er „hugveita“ (nákvæmari nafngift væri áróðursveita) sem hefur afgerandi áhrif á stjórn Bandaríkjanna. Skýrslan er í raun áætlun um hernað, kúgun og yfirgang. Í skýrslunni er lagt mat (oft rangt) á styrkleika og veikleika Rússlands útfrá hugmyndum um að eyðileggja efnahag og stjórn landsins og opna það fyrir bandarískum auðmönnum og fyrirtækjum. Þar kemur m.a. fram að ein leið til þess að skaða Rússland er að Úkraínumönnum sé fórnað í stríði við Rússland. Einmitt það sem sem við höfum verið vitni að allt síðan valdaránið var framið.
(sjá nánar Extending Russia, Rand Corporation, USA, 2019 , og „Overextending and Unbalancing Russia“ og ítarlegar skýrslur um niðurrif Rússlands á
https://www.rand.org/pubs/research_briefs/RB10014.html )
Illa upplýstir leiðtogar Evrópusambandslanda hafa orðið fórnarlömb lyganna um að Rússar eigi upptökin að núverandi Úkraínustríði, þeir hafa ekki næga þekkingu á sögunni eða stefnu og ferli Bandaríkjanna og gömlu nýlenduveldanna gagnvart Rússlandi til að geta metið stöðuna. Hegðun Norðurlanda og Eystrasaltslanda er sérstaklega hættuleg, Rússland er máttugt nágrannaland þeirra sem þau eiga mikið undir að geta komist af við.
Ísland þarf að taka afstöðu gegn afskiptum Bandaríkjanna, Bretlands og ESB-landa af Úkraínu og Rússlandi og reyna að endurreisa friðsemd í löndum Evrópu.